Чөгендер икрасы рецепты

Чөгендернең хәзер яшь, бик тәмле вакыты. Шуңа да аны чи килеш салат ясап та, пешереп тә ешрак ашарга кирәк. 

Кирәк була: 2 кг чөгендер, 1 кг кишер, 1 кг суган, 0,8 кг помидор, 1 кузак ачы борыч, 1 баш сарымсак, 80 мл. 9% аш серкәсе, 1 аш калагы өеп тоз, 2-3 аш калагы шикәр комы, 250-300 мл сыек май, хуш исле борыч, укроп орлыгы, лавр яфрагы.

Кишерне чистартып угычта уарга, суганны вак итеп турарга һәм бергә майда үтә күренмәле булганчы кыздырырга. Аннан соң, иттарткычтан помидор белән ачы борычны чыгарып, әлеге массага кушарга. Кайнап чыккач, иттартыкчтан чыгарган чөгендерне салырга, тоз, шикәр комы, тәмләткечләр өстәп, яшелчәләрне сүрән утта 1,5 сәгать кайнатырга. Пешеп җитәр алдыннан аш серкәсе, сарымсак салырга 3-4 минут кайнатып алырга.

Кайнар килеш банкларга тутырырга һәм ябып куярга. Банкаларны әйләндереп җылы чүпрәк белән суынганчы каплап тотарга.