Борщ ясау ысулы

Борщ ясау өчен түбәндәге продуктлар кирәк: 2 кило кәбестә, 1 кило кызыл чөгендер, 1 кило кишер, 0,5 кило башлы суган, 0,5 кило помидор, 150 грамм уксус (9 процентлы), 1 стакан көнбагыш мае, 2 аш калагы шикәр комы, 3-4 баллы борыч, укроп, петрушка, төелмәгән кара борыч.

6 литр сыйдырышлы кәстрүлгә көнбагыш мае, тоз, шикәр комы, уксус салабыз. Кәбестә, кишер, суган, помидорны турыйбыз һәм кәстрүлгә салып, 20 минут сүрән утта кайнатабыз. Шуңа кыргыч аша чыгарылган чөгендер, борыч, вак итеп туралган тәмләткеч үләннәр өстәп, тагын 10 минут кайнатабыз. 

Ут өстеннән алып, парда тотылган банкаларга тутырып, калай капкач белән ныклап ябабыз. Салкында саклыйбыз.