Бик тәмле алма пирогы

Кирәк була: күкәй – 2 данә (бәләкәй булса 3әү дә ярый), шикәр комы – 50 гр, сөт – 100 мл, сыер мае – 25 гр, он – 70 гр, калак очында гына тоз, камыр көпшәкләндергеч (разрыхлитель), алма (чистартылмаган) – 800 гр.
Алмаларны чистартып, төшләрен алабыз һәм телемләп турыйбыз да өстенә әзрәк лимон согы сибәбез.
Күкәй һәм шикәр комын миксер белән күпергәнче болгатабыз. Шуңа тоз, бүлмә температурасындагы сөт, эретелгән ак май салып яңадан болгатабыз. Ванилин (салмасагыз да була), он + камыр көпшәкләндергеч салып тагын бер кат болгатабыз миксер белән. Шушы әзер камырга туралган алмаларны салып яхшылап болгатабыз. Әзер массаны диаметры 16-18 см булган табага салабыз, өстенә әзрәк шикәр комы сибәбез. Берничә бәләкәй кисәк сыер мае куябыз. Алдан җылытылган духовкада 40-45 минут пешерәбез.
Бик тәмле килеп чыга. Чәйләрегез тәмле булсын.

Зәй офыклары