Вадим Захаров күзәтү астына эләккән

"Инстаграмда  үз битеңне ясаганда нинди дә булса исем (никнейм) уйлап табарга кирәк. Ул һичшиксез инглиз телендә булырга тиеш. Монда һәр кеше үзенең фантазиясен эшкә җигә. Кемдер гади генә – исем, фамилиясен, икенчеләр – кушаматын, өченчеләр – телефон номерын яза һ.б. Әле инстаграммда алар кабатлана алмый. Әгәр синең кебек исемле кеше бар икән, димәк башканы уйлап тап.

Җырчыларыбызның инстаграм битләренә күзәтү ясадык әле. Ә исемнәренең барлыкка килү тарихы белән алар үзләре үк уртаклаштылар. 

Алмаз Мирзаянов –  @almazinde (алмазинде): «Радиода эшләгән вакытта “инде” сүзен бик еш әйтә идем. Мин эфирда утырганда Булат Бәйрәмов каршыма килеп “ИНДЕ” дигән зур язуны тотып тора иде. Ул сүзне әйтмәс өчен. Кайбер дуслар арасында да “Алмаз инде” дип әйткәләделәр”.

Чәчкә - @chachka_liliya (чәчкә_лилия): “ “Чәчкә” – ул минем псевдоним, ә үземнең мулла кушкан исемем – Лилия. Шуңа күрә инстаграммда икесен дә яздым”.

Вадим Захаров - @vadimzaharov_offigennyi (вадимзахаров_оффигенный): «Бик күп коллегаларның исемнәре “official” (официальный) дип язылган, аерылып торыйм әле дип шулай куйдым”.