Җырлы, моңлы Мироваевлар гаиләсе башкаруында керәшен халык җыры - видео

Владимир Алексеевич Мироваев Пермь өлкәсе Засечный бистәсендә туган. Балачактан Кайбыч районы Хуҗа Хәсән авылында яшәгән 70 яшьлек Агриппина әбисе тәрбиясендә үскән. Мәктәптән соң Алабуга сәнгать колледжында белем ала. Мәктәптә укыган вакытта авылга концерт белән килгән Илһам Шакиров Владимирны Казанга укырга чакыра. Юлга җыенып чыккач, колхоз биргән машина юлда батып кала, шулай итеп Казан юлыннан кирегә борылырга туры килә аларга. 

40 елдан артык Алабуга мәдәният сараенда хезмәт куя. Владимир Алексеевич баянчы, 400 артык җырлар авторы. "Ак каз" халык фольклор ансамбле җитәкчесе. Ул Татарстан Республикасының атказанган мәдәният хезмәткәре, Алабуга шәһәренең мактаулы гражданины исеме иясе. Алабуга якларындагы данлыклы иҗади Мироваевлар династиясе Владимир Алексеевичтан башлана.