Тормышны белеп язган...

Александр Сергеевич Филиппов Татарстанның Зәй районы Зичәбаш авылында туа. Ул "Татарстан Республикасының атказанган мәдәният хезмәткәре" исеменә, Татарстан Республикасы Мактау грамотасына лаек булган журналист иде. 

***

Һәркемнең үз эше

Кикригенә чиртеп уятмыйлар

Әтәчне таңда.

Җаен белеп, көйләп-көйләп сайрый

Сандугач талда.

Саклый дошманыннан еланны да

Агулы теше.

Һәркемнең дә фани дөньялыкта

Үзенең эше.

Күңел

Заманалар куып йөртә

Тузганак шары сымак.

Йөрәк кенә һаман да көр,

Ә күңел...Күңел - сынык. 
 

Кемгә нәрсә кирәк?

Килбәтсезгә кирәк килбәт,

Милләтсезгә кирәк милләт.

Килбәтсезгә нигә милләт,

Милләтсезгә нигә килбәт?

Килбәт кирәк милләтлегә,

Милләт кирәк килбәтлегә!