Славут җыруы: Аппак карлар җауган чакта

Ап-ак карлар җауган чакта,
Төбәлеп күккә кара:
Күктә Арыу Кыз Мария
Чиркәүгә таба бара.

Ходайга бүләк китерә,
Җакты төскә инәлә,
Балавыз шәмнәр җандыра,
Күкрәккә кулын куя.

Барча изгеләргә әйтә:
– Сез Ходай мәндәләре,
Белгәннәрне өйрәтегез,
Җакшыга үгетләгез;

Ходайга иман җырлагыз,
Күк Патшасын данлагыз!
Иисус Христос туганын,
Җакты бәйрәм җиткәнен.

Торыгыз, хөрмәтле байлар,
Безнең юмарт хуҗалар!
Торыгыз мамык түшәктән,
Кырмалы урындыктан!

Киң ачыгыз капкагызны,
Җакты бәйрәм җактырсын!
Киң ачыгыз ишекләрне,
Җакты бәйрәм балкысын!