Мәзәкләр, гадәттә, мәҗлесләрдә, күмәк ял вакытларында җыелган кешеләрне бер көлдереп алу, аларның күңелен ачу максатында сөйләнәләр.
Бер хәерче елга буенда балык тотып утыра. Кармакка Алтын балык эләгә.
-Ярар, мужик, тиз генә бер теләгеңне әйт!
-Минем өйгә сыярлык акча бир!
Ир йөгереп кайтса, өенең идәнендә бер 500 сумлык кына аунап ята! Кире чаба теге.
-Әй, пешереп ашарлык нәрсә, ник алдадың??!!
Алтын балык тыныч кына:
-Аңламадым, нәрсә акча өеңә сыймаганмыни?!
***
Бер ир сатучыга:
-Ничә тавыгыгыз бар?
-Алты.
-Бик яхшы. Шуларның өч иң начарын сайлап алыгыз әле.
Сатучы хатын аптырап карап ала да сөенә-сөенә өчесен сайлап өстәлгә куя.
-Төрергәме?
-Боларын - юк. Миңа калган өчесен төреп бирегез, - ди ир.
***
-Песи аш бүлмәсендә нигә шулкадәр дөберди икән ул? – ди хатыны иренә.
-Ә син аны бүген ашаттыңмы соң?
-Юк.
-Димәк, үзенә ашарга әзерли.
***
Чын хатын-кыз чын ир-егеткә беркайчан да кияүгә чыга алмый. Чөнки чын хатын-кыз беренче тәкъдимгә үк ризалашмый. Ә чын ир-егет ике тапкыр кабатламый.
**
Балаларын иренә караганда ныграк яратам дигән хатын-кызга ышанмагыз. Теләсә кайсы хатын балаларын күрше хатынга калдырып китә ала. Ә ирен – беркайчан да!
Нет комментариев