Карендәшебез Валентина Атукова әнисенә шигырь багышлаган

Әни гөле

Тәрәз төбемне тутырып,
Үсте, әни, гөлләрең.
Тамчы гөлең чәчәк атты,
Гүя синең күзләрең.

Әдрәсем дип, атый идең
Иң матур бер гөлеңне.
Гөлләр,чәчәкләр үстереп,
Үткәрдең син көнеңне.

"Бусы - кызыл яраным", - дип,
Үстердең күп яраннар.
Әни гөлләре бик матур,
Бар да чәчәк атканнар.

Үзең киттең... Матур гөлдәй
Булдың син безнең өчен.
Авырлыкка бирешмичә,
Куйдың син бөтен көчең.

Сине сагынып юксыналар,
Әни, матур гөлләрең.
Гөлләр белән бергә, сагынып
Үтә хәзер көннәрем.

Матур гөлем син идең ул,
Син идең ул, әнием,
Шиңде,сулды әни гөле,
Юк шул инде әнием.