Ретро фото: мәктәптән — фронтка

Бу фото 1942 елның маенда Зәй районының Югары Баграж мәктәбендә ашыгыч имтиханнан соң төшерелгән. Укытучылар һәм укучылар төшкән  фотода беренче рәттә уртада — Сарсаз Баграж авылы егете Илья Биканов. 

Илья мәктәптә укыганда хәрби комиссариаттан повестка килә. Бу — 1942 елның мае була. «Фотода беренче рәттә утырган өч үсмергә (уртадагысы — Илья) имтиханнарны ашыгыч рәвештә тапшырталар. Илья Ивановичны май аенда армиягә алалар. Ул миномётчы буларак хәрби хәзерлек үтә. Ленинград янындагы сугышларда яралана. Бер як үпкәсе генә калганлыктан, сугышка яраксыз дип, 1943 елны кайтарып җибәрәләр. Ул башта Иске Зәйдәге банкта кассир булып эшли, аннан — Сарсаз Баграждагы совхоз бухгалтериясендә. Авылга кайткач, әти-әниләре белән бер йортта, олы гаилә булып яшиләр. Үзләренең дә алты балалары була. Илья Иванович 1985 елда үлде», — дип сөйләде озак еллар мәктәп директоры булып эшләгән Александр Николаевич.