Кукмара ягыннан ретро фото: Анастасия Васильева оныгы Светлана белән

Мин дә фотоальбомнарны кулга алып фотоларны барладым. Берничә фотоны сайлап алдым. Иң кадерлесе —минем беренче тапкыр фотога тошкәне.

Фотода мин әбием Анастасия Ивановна Васильева (1908-1982) белән Чиябаш авылында кунакта. Бу фото 1966нчы елның 23 сентябрендә төшерелгән. Кызганыч, фотоның авторы билгесез. Әбиемә бу фотода 58 яшь, ә мина бары тик 9 ай гына. Әбиемнең йөзеннән нур бөркелә, чөнки аның алдында беренче оныгы утыра бит!

Мин әби тәрбиясендә үскән бала, шуңа күрә мин аны бик яраттым, беренче ярдәмчесе, сердәше идем. Ул бик матур җырлый, әкиятләр, туган авылы, авылдашлары турында сөйләргә ярата иде. Ник шуларны язып алмадым микән дип уйлыйм хәзер.