Түбән Биш авылы китапханәсендә замана геройларына багышланган күргәзмә ачылды

Зәй районының Түбән Биш авылы китапханәсендә заман геройларына – махсус хәрби операциядә, Бөек Ватан сугышында катнашучы якташларына багышланган иллюстратив-әдәби күргәзмә ачылды. Анда алар турында язылган истәлекләр, фотолары һәм китаплар куелган.
Һәр китап – тарихи вакыйгаларга, кешеләрнең язмышына һәм үткәннән өйрәнергә тиешле сабакларга тәрәзә ул.

“Һәр чорның үз геройлары була. Бүген алар – махсус хәрби операциядә катнашучы, илебезне яклаучы егетләребез. Яшьләргә патриотик тәрбияне нәкъ алар үрнәгендә бирү мөһим. Шуны күз уңында тотып, без әлеге күргәзмәне оештырдык. Максатыбыз китап укучыларда патриотизм, батырлык, тәвәккәллек сыйфатларын, толерантлык тәрбияләү. Күргәзмә буыннар бәйләнешен ассызыклый, тарихи хәтерне сакларга һәм илне саклаучыларга хөрмәт тәрбияләргә ярдәм итә. Ул батырлык һәм фидакарьлек кебек мөһим кешелек сыйфатлары турында уйланырга рухландырырга тиеш”,– диде китапханәче Лариса Кузнецова.