Бакалыдан Кристина Такашова Россия яшьләр ачык Су конкурсында 3нче урынны яулады

Конкурсның максаты – Россия һәм башка илләрнең әйләнә-тирәне саклау һәм тотрыклы үсеш өлкәсендә мәктәп укучыларының, югары уку йортлары студентларының фәнни-тикшеренү һәм проект эшчәнлегенә ярдәм итү.

Шушы көннәрдә бу конкурска йомгак ясалды. Башкортстанның Бакалы районындагы Яңа Илекле авылының мәктәбенең 7нче класс укучысы,  «Якты Чишмә» мәктәп урманчылыгы члены Кристина Такашова «Яшь журналистлар су турында язалар» номинациясендә җиңү яулады (җитәкчесе – С. Жадова).

Кристина үз материалында яшь урманчыларның Изге чишмәне төзекләндерүдә ничек ярдәм итүләре турында сөйләде:

“Безнең Бакалы районында чишмәләр шактый. Шунысы сөендерә, аларның күбесе елдан-ел матурлана, чистара һәм үзләренә килүчеләрне күбрәк җәлеп итә. Киләй авылы янында, Сөн елгасы ярындагы Изге чишмә – районның истәлекле урыннарыннан берсе. Киләй һәм тирә-як авылларның кешеләре элгәредән үк, Рождество, Качману һәм Олы көн кебек дини бәйрәмнәрдә чишмә янына килгәннәр. Чишмәләрдә кешеләр уңыш һәм яңгыр сорап иман әйткәннәр. Бу чишмә борынгыдан изге дип саналган. Өлкәннәр сөйләвенчә,  революциягә кадәр үк, чишмә янында Изге Ана иконасы куелган чачауник торган.

Без, «Якты чишмә» мәктәп урманчылыгы членнары да Изге чишмәне чистартуга үз өлешебезне керттек. Чишмәнең тирә-ягын җыештырдык, коелган яфракларны тырмаладык,  чәчәкләргә су сиптек. Эшне тәмамлагач,  үзебез дә Изге чишмә су эчтек, өйгә дә алып кайттык”, – дип сөйләде Кристина Такашова.

Фото: Школьные лесничества республики Башкортстан