Кече Нослыдан Кристина Иванова халкыбыз традицияләрен саклауга үзеннән зур өлеш кертә

Кристина Иванова – Марий-Эл республикасындагы Мари-Төрек районының Кече Нослы авылында яшәүче карендәшләребез Ивановлар гаиләсеннән.

Бу гаилә – җыр-моңга да, шигырияткә дә гашыйк. Алар үз якларындагы керәшеннәргә хас традицияләрне буыннан-буынга тапшырып килә.
Кристина Иванова Йошкар-Ола шәһәренең мәдәният колледждында белем ала. Ул кечкенәдән үк бик күп чараларда катнашып, зур уңышларга ирешә.
Декабрь аенда Марий-Эл республикасының Йошкар-Олада шәһәрендә "Мирас-Наследие"төбәкара милләтара фестиваль-конкурсы узган иде.
Конкурс Мари Эл Республикасы халыкларының матди булмаган мәдәни мирасын саклауга һәм арттыруга юнәлдерелгән. Бу конкурста Кристина Иванова да катнашты. Чыгыш нәтиҗәләре буенча, ул «вокал-соло» номинациясендә 3нче дәрәҗә лауреат булды һәм тантаналы шартларда диплом белән бүләкләнде.
2025 елның 31 январендә үзе укый торган уку йортының мәдәният һәм сәнгать факультетында студентларның «Иҗатчы» фәнни-иҗат җәмгыятенең 25нче юбилей конференция-конкурсы узды. Әлеге конференция-конкурста катнашучылар компетентлы жюрига төрле тематикадагы 5 проект эше тәкъдим итте. Алар арасында Кристина Иванованың керәшен фольклор тематикасы белән бәйле тикшеренү эшләре дә бар иде. Конференция-конкурс йомгаклары буенча иң яхшы эшләр билгеләнде. Хор бүлегенең 1 курс студенты Кристина Иванова, (җитәкчесе Мария Загайнова) махсус диплом белән бүләкләнде. Тикшеренү эшенең темасы – “Керәшеннәренең традицион йола бәйрәмнәре". Аның әлеге проекты керәшеннәрнең мәдәни традицияләрен саклап калу максатыннан эшләнде.