Г.Родионов исемендәге V төбәкара фәнни-тикшеренү конференциясе була

Бишенче мәртәбә оештырыла торган бу конференциянең максаты – педагогларны Григорий Родионовның (әдәби псевдонимы – Гәрәй Рәхим) әдәби мирасын өйрәнүгә, саклауга тарту. Әлеге конференцияне Казан шәһәренең керәшен оешмасы (җитәкчесе – Светлана Борисова), Казан шәһәре башкарма комитетының  мәгариф идарәсе белән берлектә оештыра.

Конференциянең II этабы 2 апрельдә Я.Емельянов исемендәге мәдәни үзәктә (Казан, Худякова урамы, 1нче йорт) була. Анда I этапны уңышлы узган кешеләр катнаша.

Конференция үз эченә түбәндәге секцияләрне ала:

• Г.Рәхим (Г.Родионов) иҗатында ватанпарвәрлек, туган илгә мәхәббәт һәм батырлык темаларының чагылышы (фәнни-тикшеренү эшләре);
• Г.Рәхимгә багышланган публицистик әсәрләр (эссе, парча,очерк һ.б.);
• Идел буе халыклары: уртак бизәкләр,мәдәният, йола-гадәтләр (творческие работы);
• Г.Рәхим  әсәрләрен сәнгатьле уку.