Георгий Ибушевы Тукай премиясенә тәкъдим итәләр

Г.Тукай исемендәге татар дәүләт филармониясе директоры Кадыйм Нуруллин сәхнәгә чыгып, 40 ел буе филармониянең әдәби-музыкаль лекториенда эшләүче карендәшебез Георгий Ибушевны үз коллективларының Габдулла Тукай исемендәге премиягә тәкъдим итүен әйтте.

– Быел 1 июньдә Георгий Мифодиевичның филармониядә эшләвенә 40 ел була. Бүгенге «Рәшә моңы» кичәсенең «Тукай моңнары» циклы кысаларында үтүе очраклы гына түгел – Георгий Ибушевны Г.Тукай исемендәге премиягә тәкъдим итәбез. Дәүләт премиясенә тәкъдим ителү – сәнгать кешесе өчен зур дәрәҗә.

Бу олы хәбәрне зал тагын алкышларга күмде.