Авыл җыеннары дәвам итә: Хуҗа Хәсән, Яңа Усы җирлекләре

Кайбыч районының Хуҗа Хәсән җирлегенең узган елдагы эшчәнлеге уңай бәяләнде. Җирлек башлыгы Светлана Матвеева 2024 елдагы эшчәнлекләренең барлык өлкәләренә дә тукталды. Мәктәп директоры Надежда Макарова белем йортына ремонт ясау мәсьәләсен күтәрде. Хуҗа Хәсән мәктәбенә Кушкүлдән балалар йөртә торган мәктәп автобусы маршрутын Турминский авылы аша да үткәреп булмасы, дигән фикерен җиткерде.

Район башлыгы Альберт Рәхмәтуллин аңа уңай җавап бирде. Ремонт турында да уйлашып бетерәчәкләр, әлегә кайбер эшләрне район бюджеты исәбенә башкару турында килештеләр.

Җыенда авыл хуҗалыгы һәм азык-төлек идарәсе начальнигы Радик Камалетдинов кече бизнеска дәүләттән ярдәм чаралары турында сөйләде, вакантлы эш урыннары белән таныштырды. Җирлек җыенында СВОда һәлак булган якташларын бер минутлык тынлык белән искә алдылар. Хезмәт ветераннарын, юбилярларны котладылар, бүләкләр тапшырылды.

Шулай ук, Мөслим районының Яңа Усы авыл җирлегендә дә халык җыены узды. Җыенда район житәкчелеге, авыл жирлеге депутатлары, авыл халкы катнашты. Җирлек башлыгы Галина Романова үз чыгышында узган елны җирлектә башкарылган эшләргә тукталды, ирешелгән уңышлар белән таныштырды.

Җыенда, шулай ук, Яңа Усы мәдәният йорты директоры Миләүшә Филипова, Усы мәктәбе директоры Надежда Юмагулова,  социаль фондның клиент хезмәте бүлеге җитәкчесе Фәридә Ганиева, Усы урманчылыгы хезмәткәре Сергей Романов, Мөслим һәм Сарман районнары буенча янгын күзәтчелеге җитәкчесе урынбасары Илнар Идиятов, участок полиция инспекторы Илдар Маликов чыгышлары тыңланды.

Район башлыгы урынбасары Азат Әхмәтҗанов республикада белән беррәттән, районда уздырылган мөһим чаралар, уңышлар белән дә таныштырды.