Әлбәдән авылы халкы «посади дерево в дань памяти павших» акциясенә кушылганнар

Әлбәдән авылы халкы Питрәч районы башкарма комитеты ярдәме белән оештырылган әлеге акциягә теләп кушылды. Авыл халкы Бөек Ватан сугышында һәлак булган батырларны искә алу максатыннан әлеге игелекле чарада актив катнашты.

Бу хакта безгә авылдашлары Александр Козлов хәбәр итте:

“Бүген авылыбызда халыкара "посади дерево в дань памяти павших" акциясе узды. Әлеге чара Петр Гаврилов исемендәге музей тирәсендә узды. 300ләп кеше җыелган иде. Алар арасында мәктәп укучылары да булды. Чыршы агачлары утыртылды. Аннан соң, чара матур концерт программасы белән дәвам итте. Катнашучыларга коймак белән  кайнар чәй эчү мөмкинлеге дә тудырылган иде”, – диде ул.