Яңа елны ничек каршыларга?

   Көнчыгыш календаре буенча тычкан елы дип саналган, үтеп баручы ел, бөтен авырлык-борчуларын үзенән калдырмас дигән өметтә калыйк. Ә инде бу ел Көнчыгыш календаре буенча, Ак металлик үгез елына туры килә. Ул үзе кебек әкрен, үзенең көченә ышанучан, хезмәт сөючән булуны таләп итә. Үгез тәртип, уңайлылык, җылы мөнәсәбәт, бердәмлек ярата. Шуңа күрә, Яңа елны өйдә, тыныч кына, якыннар белән бергәләшеп үткәрү дөресрәк була.

   Ак Үгез елы булганлыктан, киемнәрнең төсе дә актан булса, тагын да күңеллерәк булыр. Ә инде кызыл төстәге кием белән каршылау, бер дә кирәкмәс, чөнки үгезнең кызыл төсне яратмавын барыбыз да беләбез. Бу елны гади, тыйнак итеп каршы алырга кирәк.

    Әзерләгән ризыкларыбыз да җиңел генә әзерләнелә торган, бик кыйммәт булмаган ашамлыклардан торсын. Үгез артык байлыкны өстен куюны яратмый. Өстәлдә ит, бәрәңге, салат, кыяр, кәбестә булуы мөһим, ә инде эчемлекләрдән – җиләк-җимештән ясалган компот иң әйбәте!

Фото: https://pixabay.com/ru/