Сагызны йотсаң, ни була?

Сагыз балландыргычлар, хуш исләндергечләр һәм эшкәртелми торган нигездән тора. Әмма ул ашказанында кала алмый. Сагыз эшкәртелмәячәк һәм 1-2 көннән шул килеш чыгачак. Әмма бу бик сирәк йоткан очракта гына шулай. Сагыз көн саен йотыла икән, эчәклектә проблемалар китереп чыгара да ала.
Балаларга сагыз бирмәгез. Ул сулыш юлына эләгергә мөмкин. Олы кеше аны ютәлләп чыгара, ә балаларда ул үлемгә китерә ала. Баланың сагыз белән йоклап китүе бик куркыныч. Сагызның балага бернинди файдасы юк. Ул төкерек барлыкка килүне көчәйтә, ач карынга чәйнәгәндә ашказаны чирләренә сәбәпче булырга мөмкин. Баланың тешләрен какшата, тешләрнең дөрес үсмәвенә китерә ала.

Чыганак: "Тәмлетамак" 

Фото: https://pixabay.com/