Матур булам дисәң - чикләвек аша

Табиб-диетолог Татьяна Разумовская кеше организмында метаболизм, тән тиресе һәм чәчләр халәте яхшы булсын өчен, фисташка — пестә агачы чикләвеге ашарга киңәш итте. Бу турыда РЕН ТВ яза.

Разумовская сүзләренчә, көненә унбишләп фисташка чикләвеге ашарга кирәк. Балаларга җиде данә җитә.

Фисташка чикләвегендә биотин дигән матдә бар — аның файдасы шушы матдәгә бәйле.

«Фисташкада төп элементларның берсе — В7, ягъни биотин. Ул аксымны үзләштерергә, майларны яндырырга ярдәм итә. Шулай итеп ул матдәләр алмашында төп элемент була. Биотин җитмәсә, тән тиресе һәм чәчләр начарлана, депрессия халәте барлыкка килә, канда „начар холестерин“ микъдары артырга мөмкин», — дип сөйли табиб. 

Чыганак

Фото:https://pixabay.com/ru