Туганайлар

“Туганайлар” бәйрәм итте

15 декабрь көнне Казан шәһәре Татарстан Республикасы Халыклар дуслыгы йортында "Туганайлар" культура-агарту керәшен гәҗите үзенең 10 еллык юбилеен билгеләп үтте.

Газетаны котларга Татарстан Дәүләт Советының мәдәният, фән, мәгариф һәм милли мәсьәләләр комитеты рәисе Разил Вәлиев, Татарстан Дәүләт Советы рәисе урынбасары, Татарстан журналистлар союзы идарәсе җитәкчесе Римма Ратникова, Татарстан Республикасы Президент аппаратының киңәшчесе Вячеслав Никифоров, Татарстан Халыклар Ассамблеясе Башкарма комитеты җитәкчесе Николай Владимиров, "Татмедиа" массакүләм коммуникацияләр агентлыгы җитәкчесе урынбасары Нурия Беломоина, "ТАТМЕДИА" ачык акционерлык җәмгыяте генераль директоры Рөстәм Бикмөхәммәтов, Татарстан Республикасы керәшен оешмасы җитәкчесе, "Ак Барс" холдинг компаниясе" ачык акционерлык җәмгыяте генераль директоры Иван Егоров, Мамадыш районы администрациясе башлыгы Анатолий Иванов, Яр Чаллы шәһәр хакиме аппаратының массакүләм чаралары белән эшләү бүлеге җитәкчесе Фәнилә Илаева һәм төбәкләрдәге керәшен җәмгыяте вәкилләре, предприятие башлыклары, коллегалар, редакция белән хезмәттәшлек итүче карендәшләр, спонсорларыбыз, укучыларыбыз һәм башка бик күп дәрәҗәле кунаклар килгән иде. Алар тарафыннан редакция коллективы һәм аның баш редакторы Людмила Белоусова исеменә, газетаның башында торган ветераннарга котлау һәм рәхмәт сүзләре күп әйтелде, коллективка һәм аның хезмәткәрләренә Мактау грамоталары, истәлекле бүләкләр тапшырылды. Георгий Ибушев, Галина Казанцева, Лидия Әхмәтова, Зоя Борисова кебек күренекле җырчыларыбыз үзләренең теләкләрен җыр аша җиткерделәр. Казаннан "Бәрмәнчек" дәүләт керәшен ансамбле, "Кирәмәт", Чаллыдан килгән "Карендәшләр" фольклор ансамбльләренең дәртле чыгышлары бәйрәмнең бизәге булдылар. Бу юбилей "Туганайлар" гәҗитенең генә бәйрәме булмыйча, бөтен керәшен дөньясы тарихындагы зур вакыйга булып хәтерләрдә уелып калыр.

Нравится
Поделиться:
Реклама
Комментарии (0)
Осталось символов: