Туганайлар

Безгә – 10 яшь!

Моннан 10 ел элек, 5 октябрь көнне, Чаллы шәһәрендә "Туганайлар" исемле культура-агарту керәшен газетасының беренче саны дөнья күрде.

Шул гомер эчендә ул Татарстанда гына түгел, Россиянең төрле төбәкләрендә яшәүче керәшеннәрнең тарихи үткәне, бүгенгесе, гореф-гадәтләре, йолалары, бәйрәмнәре, уңган кешеләре, төрле проблемалары турында язып, бик күпләрнең яраткан газетасына әверелде. Бүген газетаның тиражы 2500 данә булып, ул Татарстанның утыздан артык районында, Россиянең Башкортстан, Удмуртия, Ханты-Манси республикаларында, Чиләбе, Мәскәү, Самара өлкәләрендә тарала. Редакциядә ун кеше эшли. Алар шушы барлык районнар, өлкәләр белән тыгыз элемтәдә торып, кирәк булганда, еш кына командировкаларга чыгып, газетаның һәр саны кызыклы, файдалы, кирәкле итеп чыгару өчен тырышалар. "Туганайлар" газетасы алга таба да үзенең төп миссиясен төгәл үтәп, туры юлыннан тайпылмыйча, укучыларын яңадан-яңа кызыклы язмалар белен куандырыр, дип ышандырабыз.

Нравится
Поделиться:
Реклама
Комментарии (0)
Осталось символов: