Хөрмәтле Людмила Даниловна һәм “Туганайлар” газетасы хезмәткәрләре!

Газетаны Татарстанда гына түгел, Башкортостанда, Удмуртиядә, Чиләбе өлкәсендә, Россиянең башка шәһәрләрендә дә укучылар көтеп алалар. Ул башка басмаларны кабатламыйча, үз йөзен һәм үз традициясен булдырды. Сез үткән тарихыбызны, гореф-гадәтләрне өйрәнүгә, аларны буыннан-буынга тапшыруга, халкыбызның милли-мәдәни мирасын саклап калуга, баетуга һәм халыклар арасындагы дуслыкны ныгытуга үзегездән лаеклы өлеш кертәсез. Татарстан Халыклары Ассамблеясе эшчәнлеген, милли җәмгыятьләрнең иҗтимагый тормышын киң яктыртып, укучыларга бай мәгълүмат бирәсез. Сезнең хезмәтегезне югары бәялибез һәм зур рәхмәтебезне җиткерәбез. Хөрмәтле ватандашлар! Киләчәктә дә, максатларыгызга тугры калып, халкыбыз һәм Республикабыз өчен тырыш хезмәтегездә иҗади уңышлар, исәнлек-саулык, бәхет телим.