«Лайфхак»лар: сөт тизрәк кайнасын өчен, аңа бер чеметем шикәр салыгыз

Туганайлар, 28 март 2025 - 08:00

108

Көндәлек тормышта кирәге чыгардай киңәшләр.

Лимонны юып турар алдыннан кайнап торган су бөркегез. Бу аның хуш исен тагын да арттыра төшәр.
Озак вакыт ачык торган томат пастасының өстендә күгәрек барлыкка килмәсен өчен аның капкачына коры гәрчич сөртергә кирәк.
Хуш исле тәмләткечләрне барлык төр ашларга да пешеп чыгарга 3–5 минут кала салыгыз.
Кулдан сарымсак исе килгәндә, аны куе итеп ясалган кофе белән бетереп була.
Макароннар ябышмасын өчен аларны салганчы кайнап торган суга 1-2 аш кашыгы сыек май кушарга кирәк. Шулай ук көчле утта кайнатмаска һәм ешрак болгаткалап алырга кирәк.
Ипи савытына куелган тоз аны күгәрүдән саклый.
Сөтне кайнатыр алдыннан савыт читенә сыер мае сөртсәгез, сөт кайнап ташымаячак.

Следите за самым важным и интересным в Telegram-каналеТатмедиа