Төрледән-төрле

Кер юу машинасыннан ис килмәсен өчен нишләргә?

Туганайлар, 10 март 2025 - 08:00

124

Кер юу машинасына дым һәм пычрак җыелу сәбәпле, кер юу машинасының эченнән сасы ис килә башлый.

Кер юу машинасыннан ис килмәсен өчен нишләргә?

Керне юып бетергәч тә, кер юу машинасыннан алыгыз. Кер машинасында калган юеш кием нәтиҗәсендә күгәрекләр, гөмбәләр барлыкка килергә мөмкин, ә бу сасы ис дигән сүз.
Керне алгач, машинаның эче кипсен өчен, ишеген ачык калдырыгыз.
Кер юу машинасының порошок сала торган тартмасын айга бер булса да юыгыз. Тартмада калган порошок калдыклары бактерияләр җыелуга китерә.
Һәрбер кер юу машинасының фильтры бар, аны әлбәттә даими чистартып торырга кирәк.Иң беренче чиратта, фильтрны, порошок сала торган тартманы чистартырга. Икенче адым булып, кер машинасын чистарту тора. Машинаны порошоктан кала, сода, уксус яки лимон кислотасы белән чистартырга мөмкин.Порошок сала торган савытына 60-80 г лимон кислотасы салырга. 90°С юу режимына куеп, машинаны буш килеш әйләндерергә кирәк. Чистартып бетергәч, машинаны кипкәнче ачык калдырырга киңәш ителә.

Следите за самым важным и интересным в Telegram-каналеТатмедиа