Милли бәйрәмнәр старт алды

Республикада Татарстан халыкларының табигый-календарь циклына бәйле милли культуралар фестивале старт алды.

Казанда 21 март көнне төрки халыкларның "Нәүрүз" бәйрәме, 25 майда Лаеш районының Русское Никольское авылында рус халык бәйрәме "Каравон" үтте. 5 нче июньдә Нурлатта чуашларның "Уяв", 15 июньдә Менделеев районында мариларның "Семык", 28 июньдә Баулы районында удмуртларның "Гырон быдтон", 15 июньдә Лениногорск районында мордваларның "Балтай", 6 июль көнне Чаллыда Иван Купалы бәйрәмнәре узачак. Әлеге календарь циклын керәшеннәр "Питрау"ы тәмамлый.

Быел "Питрау" 15 нче тапкыр, елдагыча 12 июль көнне, Мамадыш районының Җөри авылында узачак. Оештыручылар әлеге бәйрәмдә күп коллективлар, шул исәптән чит өлкәләрдән дә, катнашыр, дип көтәләр. Елдагыча бәйрәм программасында каралган балалар, дискотека мәйданнары, зур һәм кечкенә сәхнәләр эшләячәк.

Чибәркәйләр игътибарына! Чибәрләр конкурсына заявкалар 10 июнь көненә кадәр генә кабул ителә! Заявкаларыгызны ook-rt@rambler.ru почтасына җибәрегез.

Белешмәләр алу өчен телефоннар: 8(843) 511-45-94. Конкурс положениесе белән газетабызның www.tuganaylar.ru. сатыннан таныша аласыз.