"Бәрмәнчек" башкалаларда чыгыш ясаячак

14-18 ноябрь көннәрендә "Бәрмәнчек" ансамбле коллективы Санкт-Петербург шәһәрендә узучы "Интерфолк в России" дип аталган фестиваль-конкурста катнашачак. Бирегә дөньяның төрле почмагыннан егермедән артык фольклор коллектив җыелачак. Коллектив ике концертта, бер конкурс чыгышында катнашачак.

25 ноябрь көнне "Бәрмәнчек"не Мәскәүдә көтәләр. Биредә этножурналистика буенча ел саен уздырыла торган Бөтенроссия конкурсының йомгаклары буенча зур тантана көтелә. Этник концертта Россиянең төрле почмакларыннан җыелган уникаль милли коллективлар чыгыш ясаячак. "Бәрмәнчек" мәлки керәшеннәре һәм нагайбаклар культурасын күрсәтәчәк.