"Туганайлар"сыз - дөнья күңелсез

Туганайлар, 19 ноябрь 2015 - 07:07

Бу фотосурәттәге ягымлы түтиләр - Мөслим районы Яңа Усы авылында яшиләр.

Берсе - Зинаида Михайловна Дарина, ә икенчесе - Ольга Михайловна Тазова.

Бертуган апай, түти булгач, аларның икесенә дә хас уртак сыйфатлары, интереслары күп. Шул уртаклыкларның тагын берсе - алар икесе дә "Туганайлар" гәҗитен яратып укучылар. "Һәр яңа санны түземсезләнеп көтеп алабыз. Анда язылганнарны кабат-кабат укыйбыз. Берничә көннән соң, җыеп куйган җирдән алып, шуларны ук яңабаштан укып чыгабыз. "Туганайлар"сыз дөнья ямьсез", - диләр алар.

Зинаида Михайловна сүзгә аеруча юмарт булып чыкты. Журналистлар белән күрешү шатлыгыннан, күңеленә җыелган әйтәсе сүзләрен тезде дә тезде ул. "Гәҗитне "Керәшен сүзе" дигән исем белән чыккан чактан ук алдырам. Ноктасын да калдырмый укып барам. Рәхмәт инде анда эшләүчеләргә. Бөтен керәшен яңалыклары белән таныштырып баралар. Ничек өлгерәләрдер, хезмәткәрләр саны да күп түгел. Аннары, керәшен календаре чыгарганнары өчен, аерып рәхмәт әйтәсем килә. Аннан башка нишләр идек, барысын да башта саклап бетереп булмый бит. Ә моны күз алдына - күренә торган урынга элеп куясың да, бүген нинди көн икәнен үзе үк искәртеп тора. Үзләре керәшен булып та, гәҗиткә язылмаучыларны аңлый алмыйм. Керәшеннең өстәл китабы булырга тиеш бит инде ул, югыйсә", - дип, башкаларга карата үпкәсен дә белдереп алды Зинаида түти.

Хәзер бөтен элемтә бүлекләрендә 2016 елның беренче яртыеллыгына газета-журналларга язылу чоры бара. Зинаида белән Ольга түтиләрнең дә сүзләрен истә тотып, без - газета хезмәткәрләренең "бергә булыйк" дигән үтенечләрен дә хуплап, керәшен карендәшләребез "Туганайлар"ны ташламаслар, дигән өметтә калабыз.

Нравится

Комментарии (0)

© 2011 - 2019. Туганайлар ("Родные мои"). Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Филиал АО "ТАТМЕДИА" "Редакция газеты "Туганайлар"
№ свидетельства о регистрации СМИ, дата: ЭЛ № ФС77-67918 от 06.12.16
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Губина Юлия Юрьевна
Адрес редакции: 420066, Республика Татарстан, г. Казань, ул. Декабристов, д. 2.
Телефон редакции: (843) 222-09-84 (доб. 1552), 222-06-07 - главный редактор
(843) 222-09-84 (доб. 1551) - журналисты
Email: tuganaylar@yandex.ru

Для сообщений о фактах коррупции: tuganaylar@yandex.ru

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+