Туганайлар

Чиккән бистәр билләрдә

Заманалар үзгәрә тора. Безнең халыкта кайчандыр мәйдан я җыен булып узган бәйрәмнәр, башка эчтәлек алып, хәзер Сабантуй итеп оештырыла.

Кайбер авылларда сабантуен да үткәрми башладылар инде - үзебездә көрәшерлек кеше юк, читтән килүчеләр бүләк җыйсын өчен генә нигә расхутланыйк, диләр. Гармун тартып, урам буйлап йөрерлек җегетләре дә бетеп бара бит әле аның. Яшь-җилкенчәк читкә китеп беткән авылларда әйбер җыю эшен үсеп килүче малай-шалайлар үз өсләренә ала. Мамадыш районы Колышчы авылыннан җибәрелгән әлеге фотода да мәктәп яшендәге "җегетләрнең" әйбер җыю вакытын күрәбез. Бу авылда әйберне колга тотып җыймыйлар, ә егетләрнең муеннарына, билләренә бәйлиләр икән.
Быелгы сабан туйларының инде соңгылары үтеп бара. Анда булган кызыклар турында ел буена сагынып сөйләргә генә кала. Колышчыдан Василий Максимов бәйрәмне сагынырга да өлгергән инде. Яулык җыючы җегетләргә атап, шигырь дә язып җибәргән ул.
Гармун уйнап,
кызлар ияртеп,
Әйбер җыяр чак җитте.
Җола көйләрен көйләргә
Җегетләр генә бетте.
Заманында бар да булган,
Хәзер генә онтылган.
"Хет пурмысы
саклансын", - дип,
Шул җегетләр тотынган.
Арткы урамнан югары очка
Өч-дүрт урам узасы,
Бер куплетлы заман җырын
Ничек шуңа сузасы?
Җиңгиләр биргән яулыклар
Җилфердиләр җилләрдә.
Авылдан киткән җегетләр
Саргая чит җирләрдә.
Шәп җегетләр китеп бара -
Заман җырын җаңгратып.
Киләчәктә йөрерләрме
Җолаларны җаңартып?

Нравится
Поделиться:
Реклама
Комментарии (0)
Реклама
  • 4 май 2018 - 16:28
    Правнуки рассказывают о своем прадеде (http://pestrecy-rt.ru/)
  • Закрытие IV Форума кряшенской молодёжи Фоторепортаж
  • Волнуют ли кряшенскую молодёжь вопросы семьи? ФОТОРЕПОРТАЖ
  • "Айбагыр" Олы көн 2018
  • Чему научились делегаты Форума на мастер-классах ФОТОРЕПОРТАЖ
  • Открытие IV форума кряшенской молодёжи ФОТОРЕПОРТАЖ
  • Как делегаты IV Форума провели первый день
  • В Кировской области впервые прошел семинар по наследию кряшен
Ночной режим