Туганайлар

Бурдан кала, уттан калмый!

15 майга кадәр Татарстанда янгын куркынычсызлыгы чоры игълан ителде. Шушы вакыт эчендә бакчаларда, урман-кырларда аеруча сак булу, янгын куркынычсызлыгы кагыйдәләрен үтәү сорала.

Коры, эссе һавада кечкенә генә очкыннан да ут кабынып китә. Шуңа да янгын куркынычсызлыгы кагыйдәләре буенча, ылыслы урманнарда, торфлы, корыган үләнле җирләрдә, пычкы чүбе җыелган урыннарда учак ягу тыела. Җилле көннәрдә агачлыкларга кереп ут кабызу рөхсәт ителми. Ял итү урыннарыннан кайтып киткәндә, учакны сүндерергә онытмаска кирәк. Әгәр якында гына су булмаса, туфрак белән күмәргә була. Шешә, банка ватыкларын кояш кыздырып та янгын чыгарга мөмкин, аларны җиргә күмеп калдырырга яки үзең белән алырга кирәк.

Урманда түбәндәгеләрне эшләргә ярамый:

- сүндермичә шырпы, тәмәке төпчекләре ташларга;

- Кояш төшә торган урында шешә һәм пыяла кисәкләрен калдырырга;

- учак ягарга;

- машина янында шырпы кабызырга.

Әгәр урманда янгын чыкса, кичекмәстән урман хуҗалыгы хезмәткәрләренә, янгын - "01" яки полиция "02", кәрәзле телефоннан "112" номерына шалтыратырга кирәк.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: