Бавырдан паштет

Паштет өчен тавык, күркә, каз, үрдәк бавырлары кирәк була. Бавыр никадәр төрлерәк булса, паштет шул кадәр тәмлерәк булачак.

Иң башта суганны чистартып турарга, кишерне угычта уып, икесен бергә үсемлек маенда кыздырып алырга кирәк. Яшелчәләр янына туралгын бавырны салып, кыздырып аласы. Каймак яки сөт өсте салып, каплап пешереп алырга.  Аннары тоз, борыч, кардамон, мускат чикләвеге, хмели-сунели һәм башка үзегез теләгән тәмләткечләр салырга кирәк. Бераз сыер мае өстәп, блендер белән изәргә кирәк. Паштет әзер. Суыткычта сакларга кирәк.

Тәмле булсын.

"Зәй офыклары"