Вадим Захаровтан тәмле тавык рулеты

Кичә Татарстанның атказанган артисты Вадим Захаров Инстаграмдагы шәхси аккауынтында бик тәмле рулет фотосы элде. Фото астына “Бүген әллә нәрсә булды минем белән, болай ничава килеп чыкканмы? Тәмле булды үзе..”, дип үз укучыларының фикерен дә сорап язган ул. Бу рулетның фотоларын күргәч, яраткан җырчыбыз Вадим белән элемтәгә кереп, ризыкның рецептын сорап алдык:

- Бернәрсәсе дә юк аның. Иң беренче тавык итен сөякләреннән арындырдым. Аннан итне бер ягын сарымсак, тоз, борыч белән ышкыдым. Шулай ук рулет эченә помидор турадым, сыр уып салдым. Шуннан рулетны төрдем дә, бер сәгатькә пичкә урнаштырдым", - дип сөйләде Вадим. Рулеты бик аппетитный күренә!

Күрәсең, Вадим яхшы җырчы гына түгел, оста пешекче дә.