Туганайлар

Ни өчен кулны югач, антисептик сибәргә ярамый?

Сабын белән антисептикны бергә кулланганда тиренең липид катламы юылып төшә башлый

Кулны юганнан соң антисептик сөртүнең сәламәтлек өчен зарарлы булуы ихтимал. Бу турыда медицина фәннәре докторы Ольга Ершовага сылтама белән «Российская газета» хәбәр итте.

Куллар гигиенасының максаты — кулны стериль итү түгел, артык пычракны бетерү, микробларны кешегә куркыныч булмаган санга кадәр киметү, ди табиб.

Хәзер куллар чисталыгына зур игътибар бирелә. Табиблар да кулын тәүлегенә 50ләп тапкыр эшкәртә. Ләкин табибларга бу кирәк, алар өчен аерым кагыйдәләр бар. Пандемия чорында антисептикларны гади кешеләр дә гаять күп куллана башлады. Башта сабын белән юалар, аннары антисептик сөртәләр. Ершова искәрткәнчә, мондый процедураны бик еш башкаручы медицина хезмәткәрләренең тән тиресендә дерматит барлыкка килеп, аларны эштән читләштергән очраклар да була.

Сабын белән антисептикны бергә кулланганда тиренең липид катламына агрессив йогынты барлыкка килә, су бу катламны юып төшерә. Шуңа күрә кулын сабын белән юып, антисептик сиптергән кешеләр яндырган кебек хис тоя. Мондый януга түзәрлек хәл калмагач, кешеләр антисептик куллануны туктата, сабын белән генә юына башлыйлар. Ләкин липид катламы барыбер юылып төшүен дәвам итә.

Эксперт процедураларны бүлеп башкарырга киңәш итә. Кулны юарга кирәк булганда, антисептик кулланмагыз. Көн уртасында, яки шикле өслекләргә орынган вакытта, антисептик белән генә дезинфекция ясагыз. Антисептик составында спирт кына түгел, дымландыра торган матдәләр дә булырга тиеш, диелә хәбәрдә.

Чыганак: Интертат 

Фото: https://pixabay.com/ru

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: