Грейпфрутның файдасы зур

Ул С витаминына бай. Шуңа көзен, кышын безне төрле вируслардан, микроблардан әйбәт саклый. Аеруча вирус эпидемиясе чорында. Җимеш составындагы Калий йөрәккә файдалы. Грейпфрут органик кислоталарга да бай, шуңа бөердә таш җыелмасын өчен булыша. Әле алар организмны шлаклардан чистарту, ризык эшкәртүне яхшырту, матдәләр алмашын стимуллаштыру, ашкайнату согы бүленеп чыгуын яхшырту сәләтенә ия. Грейпфрут түбән калорияле. Шуңа аны күп кенә диета тотканнар куллана. Грейпфрут ябыгырга да булыша әле. Җимеш составындагы пектиннар тиз арада тамак туйдырып, аппетитны контрольдә тотарга булыша.

Фото: https://pixabay.com