Газ җиһазларын техник күзәтүгә ниләр керә

Бу сумманы нәрсә өчен түлибез? Техник күзәтүгә ниләр керә? Бәяләре ник арта?

“Газпром трансгаз Казан” ҖЧҖнең матбугат бүлеге хезмәте әлеге сорауларга җавап бирә:
— Газ приборлары — тормыш өчен куркыныч җиһазлар. Төзек булмаган очракта, авария килеп чыга. Куркынычсызлык нормативларын исәптә тотып, ел саен техник күзәтү оештырыла. Йорт хуҗалары газ хезмәткәрләрен өйгә кертергә, барысын да күрсәтергә, җитешсезлекләрне әйтергә тиеш. Бу хезмәтнең бәясе төрле булырга мөмкин. Ул күпме һәм нинди җиһазлар куелуга бәйле. Әйтик, кемдер өйдә генә түгел, мунчада да газ яга.

Әйе, техник күзәтү бәяләре ел саен үсә. Чөнки газ хезмәте өчен тотыла торган бөтен кирәк-ярак хакы да артып тора. Техник күзәтү ясаучылар счетчикларны, газны визуаль тикшерә, герметик тоташтыру-аеруларны, кабызу-сүндерү җайланмалары, краннарның эшләвен, майланган булуын, газның бөтен режимдагы эшләү процессын, яндыргычларның пычрактан чистартылуын, төтен үткәргечләрне, тоташтыргыч торбаларның төзеклеген һәм башкаларны карый.

Ирек мәйданы