Туганайлар

Татарстан

18+
Һәр керәшен җортына - "Туганайлар"

Март аеның икенче санына анонс

«Туганайлар» газетасының 6нчы (538) санына кыскача күзәтү.

1нче биттә — 1 апрельдән 2025 елның икенче яртысына газета-журналларга яздырту башлануы, ә 2-12 апрельдә 10 көнлек подписчик декадасы игълан ителүе турында хәбәр урнаштырылды. Бу биттә Татарстан төбәк керәшен иҗтимагый оешмасы башкарма комитеты җитәкчесе, Я. Емельянов исемендәге мәдәни үзәк директоры Людмила Белоусованың 65 яшьлек юбилеена багышланган язма да бар. Бу олы шәхес хакында «Туганайлар» газетасының баш редакторы Юлия Губина ниләр сөйли? Укыгач, белерсез. 

2нче биттә Дөнья һәм Олимпия чемпионы, атаклы чаңгычы Фёдор Симашевның тууына 80 ел тулуга багышланган язма бирелде. Бу биттә 24-26 апрельдә — V керәшен яшьләре форумы, ә 25 апрельдә Алабуга районының Олы Шүрнәк авылында мәктәп укучыларының төбәкара V фәнни-гамәли конференциясе үткәреләчәге турындагы хәбәрләр дә куелды.

3нче битне керәшен шагыйре, агартучы һәм священник Давид Григорьев-Саврушевскийның тууына 150 ел тулуга багышлап, Я. Емельянов исемендәге мәдәни үзәктә уздырылган "түгәрәк өстәл«дән әзерләнгән язма алып тора. 

4нче биттә — «Җәшләр аланы». Анда Түбән Кама керәшен мәдәни-этнографик җәмгыяте җитәкчесе урынбасары, татар кызы Эльмира Гыйльметдинованың олы мирасыбызны балаларга һәм яшьләргә җиткерүдәге тырыш хезмәте турында язылды. Сәхнә йолдызлары тормышындагы вакыйгалар турында да хәбәр ителде.

5нче биттә — Чистай районының Югары Кондрата авылы һәм аның кешеләре тормышы турындагы язма урын алды. Шулай ук, Теләче районының Колбагыш авылын яшәтүче ике яшь гаиләнең берсе булган Демидовлар турында да укый аласыз. 

6нчы, 7нче битләр керәшеннең асыл кызы Людмила Белоусовага багышланды. Күренекле карендәшебез, республика төбәк керәшен иҗтимагый оешмасы башкарма комитетының алыштыргысыз җитәкчесе Людмила Даниловна турында зур җитәкчеләр, танылган шәхесләр нинди фикер белдерә? Язмаларны укыгач, үзегез дә белерсез.

8нче биттә — Ватанны саклаучылар елы уңаеннан, Мамадыш районының Усали мәктәбендә уздырылган Батырлык дәресе турында язылды. Газетабызның штаттан тыш хәбәрчесе, шушы мәктәп укытучысы Лидия Константинованың бу язмасын кызыксынып укырсыз, дип уйлыйбыз. Бу биттә Тукай районының Борды авылыннан ветеран укытучы Тамара Кузьмина хаты да урын алды. 

9нчы биттә 1-21 мартта «Туганайлар»ның ВКонтакте социаль челтәрендә уздырылган III «Керәшенчә марафон»да катнашкан карендәшләрдән берничәсенең язмасы урнаштырылды. 

10нчы биттәге «Белемнек» сәхифәсендә бирелгән үгет — уразаның кешене шайтаннан коткаруы турында. Шулай ук, Питрәч районының Янсуар авылында соңгы елларда ташландык хәлдә торган Изге Мария Покрауы чиркәвендә келәү уздырылып, храмны яңарту эше башлануы турында яздык. СВОда Җиңү хөрмәтенә, Зәй шәһәрендә Изге Макарий Московский исемендәге чиркәү төзелеше турында да хәбәр куелды.

11нче биттә 1916 елгы гадәти булмаган фото бар. Сарсаз Баграж керәшеннәре һөҗүм вакытында һәлак булган авылдашларын соңгы мәртәбә үз урталарына утыртып, фотога төшкәннәр. I Бөтендөнья сугышы истәлеге булган ул фото озак еллар Сарсаз Баграж мәктәбе директоры булган Александр Бикановта саклана. Фотога игътибар белән карагыз әле, кайсысының исән кеше түгеллеген аера алырсызмы?

12нче биттә — «Күгебездәге якты йолдыз». Бу юбилей котлавында Түбән Кама керәшен мәдәни-этнографик җәмгыяте председателе Тамара Баһаветдинова ыруыбызның хөрмәтле кызы Людмила Белоусова турында ниләр язган? Күз салсагыз, аңларсыз. 12нче биттә Зәй районының «Җиләк» керәшен халык фольклор ансамбленең, СВОдагыларга ярдәм максатыннан, авылларда хәйрия концерты куеп йөрүләре турында да язылды. Ураза ашы рецепты да бирелде.

Следите за самым важным и интересным в Telegram-каналеТатмедиа

Керәшен дөньясындагы яңалыкларны Телеграм-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Оставляйте реакции

3

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев