Газетабызны 99 яшьлек Настя әби дә укый

Ул хәзерге вакытта Кукмара районының Үрәсбаш авылында гомер итә. 99 яшен тутырса да, “Туганайлар” газетасыннан аерылмый.

«Аның һәр санын түземсезлек белән көтеп алам. Бик ошый миңа үзебезнең керәшен газетабыз. Бигрәк тә Белемнек битләрен, иманнар сәхифәсен яратып укыйм. Туган авылым Юкәче кешеләре турындагы язмалар бик кызыксындыра. Газетаны кат-кат укыйм, лоторея уенында да катнашырга исәпләп торам әле. Киленем бу елга да язылды инде», — диде ул.

Үрәсбаштан безнең белән бик еш хәбәрләшеп торучы подписчигыбыз Любовь Павлова әйтүенчә, Настя әби газетаны күзлексез укый, үзе арып китсә килене Нинадан укыта икән.