Елена Федоровна: «Газеталар минем гомерлек юлдашым»

Аңа 73 яшь. Ул бик озак еллар авылда китапханәче булып эшләгән. Хәзерге вакытта лаеклы ялда.

«Яшьтән үк китаплар, газета-журналлар укырга яраттым. Мин газетасыз яши алмыйм, ул минем гомерлек юлдашым. Редакция хезмәткәрләренең эше җаваплы, җиңел түгел икәнен дә беләм. «Туганайлар» газетасын бик күптәннән алдырабыз инде. Басма ошый, лаеклы кешеләр, авыл тормышы турында мәкаләләр, иҗади әйберләр — хикәяләр укырга яратам. Фоторәсемнәр игътибарымны җәлеп итә. Моңарчы «Туганайлар»га балалар языла, мин укый идем. Алардан көтеп тору авыр, чөнки балалар гел кайтып тормый. Бу юлы узем язылырга булдым, почта хезмәткәре китереп бирә бит, пенсия китергәндә. Ә редакция хезмәткәрләренә иҗади уңышлар, сәламәтлек телим»,— ди Елена түти.