“Асыл бизәкләр” уңышы

Ансамбль керәшеннәрнең бай культурасын һәм фольклорын лаеклы рәвештә күрсәтеп килә. Соңгы елларда тематик җырлар циклын булдырып та, ансамбль танылу алды. Коллектив бер үк вакытта халык хореография-се белән дә шөгыльләнә. Алар мәктәптә, мәктәптән тыш та төрле кичәләрдә концертлар куялар, фольклор фестивальләрендә, бәйрәмнәрдә даими чыгышлар ясыйлар. Мәсәлән, 2011-12 уку елында без - ансамбль җитәкчеләре - Татьяна Каишева һәм Ләйсән Абакаева фольклор ансамбле белән 17 майдан 19 майга кадәр атнакөн мәктәпләрендә һәм туган телләрендә белем алучы укучыларның Республика фестивалендә катнаштык. Безнең ансамбль берничә тапкыр шәһәр, республика конкурслары һәм халык сәнгате фестивальләре дипломанты булды.
2013 елны балалар фольклор коллективларының "Моңлы тамчы" Республика фестивале старт алды. Фестивальнең төп максаты - халык традицияләрен саклау, яшь буында туган телгә, гореф-гадәтләргә, йолаларга хөрмәт тәрбияләү, балалар һәм яшьләр арасында фольклор хәрәкәте үсешенә йогынты ясау, коллективлар арасында тәҗрибә уртаклашу, иҗади хезмәттәшлек булдыру.
Фестивальнең беренче этабы январь-март айларында муниципаль район һәм шәһәрләрдә узды. Икенче этабы 2013 елның 15 мартына кадәр дәвам итте. Фестивальнең оештыру комитетына ике номинация буенча (фольклор коллективлар; халык инструментлары ансамбльләре) рес-публиканың 22 районыннан 50 гариза керде. Фестивальнең өченче йомгаклау этабына Татарстанның шәһәр һәм районнарыннан 26 коллектив сайлап алынды, шуларның 15 генә гала-концертта чыгыш ясады. Алар арасында без-нең "Асыл бизәкләр" мәктәп балалар фольклор коллективы да бар иде.
2013 елның 30 мартында көннең беренче яртысында республиканың шәһәр һәм районнарының балалар фольклор коллективлары Пүчинкә-Кучук, Чура, Урта Кумор, Вахит авылларында концерт программалары күрсәттеләр, аннан соң көннең икенче яртысында Кукмара район культура йортында йомгаклау гала-концерты булды. Фестиваль программасында Татарстан территориясендә яшәүче халыкларның традицияләре, гореф-гадәтләре, йолалары күрсәтелде. Фестивальне оештыручылар барлык катнашучыларга да бүләкләр - Татарстан культурасы турындагы буклетлар, значоклар, сумкалар әзерләгәннәр.
"Асыл бизәкләр"нең иҗат юлы - керәшеннәрнең культурасын, традицияләрен саклау һәм үстерү юлы ул. Халык лирик җырларын башкару-ның кабатланмас үзенчәлеге күңелләрне кузгата һәм һәр тыңлаучының йөрәгенә кереп кала. Аларның чыгышлары кешеләргә шатлык китерә, күңел җылылыгы бирә.