Валентина Николаева-Боярова: «Бер кайтырмын әле...»

"Туган як" 
("Бер кайтырмын әле")

Туган якка бер кайтырмын әле,
Мәһаббәтле туган җиремә.
Уйнап үскән яшел болынына,
Кичке тальян моңлы җырыма.

Илһам алам туган якларымнан,
Челтерәп аккан чишмә суыңнан.
Шаулап үскән нарат тауларыңнан,
Туган туфрак, гүзәл ягымнан.

Мең яшә син күңелләрне тибрәндереп,
Бай тарихлы, халкым гүзәлем.
Авылкаем, туып үскән йортым,
Туган туфрак, туган нигезем.

Бәхетемнең саф чишмәсе – туган җирем,
Керәшен халкым, моңлы җырларым.
Сандугачлы тал-тирәкле су буйларым,
Баграж ягы туган якларым.

Бер кайтырмын әле туган якка
Чана белән таудан шуарга.
Балачакка кайтып, тагын бер-кат,
Дус-ишләрем белән уйнарга.
Бер кайтырмын әле....

Фото: Валентина Николаева-Боярованың шәхси архивыннан