“Кряшен чибяре – 2011”: Марина Жаркова (Шәмәрдәнова)

- Мин 2011 нче елның җиңүчесе булдым! Бу конкурс минем өчен иң мөһим конкурсларның берсе булгандыр. Мин ул вакытта 10 сыйныфны гына тәмамлаган идем, яшькә иң бәләкәе дә мин булдым ахры. Конкурста катнашакан кызларнын чыгышларын күргәч үземдә шик туды, чөнки барлык кызлар да җинүгә лаеклы иде. Үземне кулга алып, әти-әни, дусларым ярдәме белән бу конкурсның җиңүчесе булырга насыйп булды. Андагы хис-кичерешләрне сүз белән генә әйтеп бетерә торган түгел. Үзе сөенеч, күзгә яшьләр тулды... Әле конкурс беткәннән соң да бер ай шул уйлар, кичерешләр белән янып йөргәнем исемдә.

Алабуганың КФУ филиалына укырга кердем. Укыган вакытта  безгә үз милләтебезнең йолалары, гореф-гадәтләре турында проект ясарга куштылар. Мин – Питрау бәйрәмен күрсәттем. Барысы да бик ошады. Югары уку йортын тәмамлагач мәктәпкә укытучы булып эшкә урнаштым. Хәзер, Аллага шөкер, гаиләм бар, кызыбыз үсеп килә.