Туганайлар

"Кряшен чибяре" – 2009: Алина Кәримова (Прокофьева)

Белешмә: тумышы белән Түбән Кама шәһәреннән. Хәзерге вакытта Казанда яши

Мин ул вакытта мәктәптә укый идем. Конкурска Сарман сәнгать мәктәбәндә вокал дәресен алып баручы Расиха апа Хәмидуллина әзерләде. Үземне “Кряшен чибяре” титулына лаек булырмын, дип уйламаган да идем. Катнашучылар барысы да конкурска яхшы әзерләнгән, матур, чая кызлар. Беренче тапкыр гына баруым булса да, миңа Питрау бәйрәме бик ошады. Тырлау аланында үземне әкият дөньясына килеп эләккән кыз итеп хис иттем. Әлбәттә, мин иң бәхетле кеше идем! Аллага шөкер, хәзергә кадәр чакырып торалар. Бик зур рәхмәт оештыручыларга. Мондый күркәм бәйрәмне әзерләү бик күп көч, сабырлык сорый.

Беренче урынга биргән акчага ике җыр яздырдым. Калганын әниемә бирдем. Хәзерге вакытта мин Казанда яшим. ТНВ каналында ирем Азат Кәримов белән “Җырлыйк әле” тапшыруын алып барабыз. Ике кыз үстерәбез.

Нравится
Поделиться:
Реклама
Комментарии (0)
Осталось символов: