Урал карендәшләребезнең дә уңышлары мулдан

Быел Уралда да җиләк-җимеш үсетрерлек әйбәт һава торышы булган. 

Мөгаен, Урал карбыз-дынялары турында бик азлар гына ишеткәне бардыр. Бу гаҗәп тә түгел, чөнки Урал өчен ачык грунтта андый җиләк-җимешләр үстерү,  кыярлар яки ташкабаклар үрчетүдән аермалы буларак, хас түгел. Ә менә безнең уңган-булган карендәшләребез үстергәннәр! Сере нинди икән?

«Сер юк, үсентеләрне үстердек һәм ачык түтәлгә чыгарып утырттык. Су сибеп тордык, артык мыекларын алдык. Нәтиҗә буларак бик тәмле, баллы җимешләр үсте», –  дип сөйләде укучыбыз Галина Ахмадишина. 

Галина сүзләренчә, дыня һәм карбыз гына түгел, быел виноград та, яшелчәләре дә бик уңган!