"Тәре алъяпкычы бизәкләре" - Анна Романова

Мамадыш районы Владимир авылыннан Анна Романованың тәре алъяпкычлары.

"Хөрмәтле “Туганайлар”! Дусларым өемә килеп кергәч: “Тәре алъяпкычлары конкурсына ник җибәрмисең боларны, бик матурлар бит!”, - диделәр. Минем алты почмаклы өемдә икәү алар. Беренчесенең тарихы болай. Мин лаеклы ялга чыккач, туган авылым Владимирга кайтып төпләндем. 2014нче елның 19нчы январе- Качману көне иде ул. Шушы өемнесатып алып, беренче тапкыр аяк басканда, бертуган тутам, Албай Казакларында яшәүче Ольга Константинова бүләк итеп, шушыларны алып килгән. Чынлап та өйнең иң кадерле һәм изге урыны бит ул. Бик олы бүләк дип кабул иттем мин аны, хәзер дә сөенәм һәм сокланып туймыйм.

Ә икенчесе - шушы йортның хуҗалары булган Олы дәдәй (Гүри) белән Кәтери җиңги истәлеге. Монысы инде борынгы. Аны да кадерләп саклыйм, бу кул эшенә дә сокланып карыйм мин", - дип язды ул. 

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз. Яңалыкларыгызны 89172509795 номерына "Ватсап" аша языгыз