Зур Арташ халкы өмәгә җыелган

Бик күп район җирлегендә зиратларга карата булган игътибар көннән-көн арта бара. Ел саен бердәмләшеп өмәләр ясыйлар. Зур Арташ авылында да мондый өмәне ел да оештыралар. Авылда яшәүчеләр, шушы авылда туып-үскән һәр кеше бу эшкә үз өлешен кертергә тырыша.

«Тиздән, 20 июнь көнне бездә Симек узачак. Авыл халкы, туган якларына кайтучылар, зиратка киләчәк. Шуңа да чиста булсын дип, бар җирне җыештырдык. Ир-егетләр зират эчендәге корган агачларны, ботакларны кисеп чистарттылар, хатын-кызлар тырмалады, җыештырды. Зират эчендә чачаунк бар, аны 7-8 ел төзегән иделәр. Шуның тышкы ягын буяп чыктык. Шулай ук, һәркем туганнарының, якыннарының каберен чистартты», — дип хәбәр итте Зур Арташ авылы кызы Елена Федорова.