Югары Баграж авылында өлкәннәр чәй табыны артында күңел ачты

Чәй табыны янына җыелган авылның өлкәннәренә Баграж авыл җирлеге башлыгы Павел Николаевич Минеев котлау сүзләрен җиткереп, аларга сәламәтлек, озын гомер, бәхетле картлык теләде. Өлкәннәрне хөрмәтләргә килгән “Җиләк” халык фольклор ансамбле кичәнең матур бизәге булды. Кичә алып баручы Әлфия Кондрабаева һәм Гөлшат Хрипунованың шаян сүзләре, ансамбль тарафыннан җырланган керәшен, татар җырлары, җитез биюләр белән үрелеп барды. Өлкәннәргә үзе язган шигырьне Фирая Әхмәтова укыды. Өлкәннәр дә буш калмады: табын артында буыннан-буынга күчеп килгән борынгы керәшен җырлары яңгырады, бер яшьлектә, бер картлыкта диеп, биеп тә алдылар.
Гөлшат Хрипунова, Югары Баграж мәдәният йорты директоры.

Фото: "Зәй офыклары"

"Зәй офыклары"