Янсуарлылар Май чабу атнасын карачкы яндырып төгәлләде

"Бәйрәмне ачып җибәрү өчен сүз Янсуар авылы җирлеге башлыгы Василий Талановка бирелде. Василий Николаевич килгән кунакларны Май чабу - язны каршылау бәйрәме белән котлап, исәнлек - саулык, тыныч тормыш теләде"-, дип язды авылдашлары Екатерина Яковлева.
 Бәйрәм җыр-бию, шигырь сөйләү, төрле уеннар, конкурслар белән бергә үрелеп алып барылган. Соңыннан бәйрәмнең төп өлеше  - саламнан ясалган карачкы яндыру булган. Карачкы янган мизгелдә һәрбер кеше  гаиләсенә, якыннарына озын гомер теләгән. "Ходайдан дөньяларыбызның тыныч булуын сорап, бу чараны оештыручыларга зур рәхмәт әйтеп, өйләргә таралыштык",– дигән Екатерина  Яковлева.