«Хәрәкәттә – бәрәкәт» проектында керәшен халык биюләре дә өйрәтеләчәк

«Хәрәкәттә – бәрәкәт» проекты Казан мэриясе тарафыннан 2021 нче елдан бирле оештырыла. Шәһәр паркларында казанлылар һәм шәһәр кунаклары өчен дистәләгән мастер-класслар уздырылган. Алдагы елларда «Ярмәк вагы» татар биюе, чечетка, аэробика, татар халык биюе, керәшен биюе, брейк-данс, «Зәлидә» җырлы-биюле уены һәм башка биюләр буенча остаханәләрне профессиональ хореографлар һәм танылган шәхесләр алып барды.

Казан шәһәре башкарма комитеты Аппаратының тел культурасы өлкәсендә милли сәясәтне гамәлгә ашыру бүлеге белгече Рания Хөсәенова сүзләренчә, «Хәрәкәттә – бәрәкәт» проектының бию дәресләрендә катнашучылар татар халык биюе хәрәкәтләрен өйрәнү белән беррәттән, музыка уен кораллары белән дә таныша алачак. 

Татар-информ