Волковлар гаиләсе ГТОның алтын билгесен алдылар

Зәйдән Регина һәм Алексей Волковлар гаиләсенә  ГТО комплексы  нормативларын югары дәрәҗәдә тапшырганнары өчен  алтын билге тапшырылды. Бу турыда "Зәй офыклары" газетасы хәбәр итә.

Алтын билгене «Россия – спорт державасы» IX халыкара форумы кысаларында узган «Хезмәткә һәм оборонага әзер» (ГТО) комплексы нормативларын югары дәрәҗәдә тапшырган физкультурачыларны бүләкләү тантанасында биргәннәр.

Тантанада РФ Президенты ярдәмчесе Игорь Левитин, РФ спорт министры Олег Матыцин, ТР Президенты Рөстәм Миннеханов катнашты.

Волковлар ирле-хатынлы сәламәт яшәү рәвеше алып бара, балаларына да кечкенәдән шуны сеңдерәләр. Уллары Богдан җиңел атлетика буенча республика, Россия күләмендәге ярышлар җиңүчесе. Кызлары да спортта актив.

Фото: Президент Республики Татарстан сайтыннан